private.chlehmann.ch

Autsch… jetz het dr Bästu mir dä Houzbitz agschosse Eh de wärdemer doch mau antworte.
1.)Würum hesch du di für Nokia, Canon, Sony oder äbe dä Härsteuer entschide, woder jetz bruchsch?
Naja. Gar nid so schwirig. Die Herre Brünisholz und Widmer heimi zwunge überzügt ä Nikon zueche z’tue… Ha viu Tests gläse, bi aber am Schluss geng no nid schleuer gsi. Bi aber ömu zfride!
2.) Hesch du mau Härsteuer gwächslet? Würum? Was isch besser oder schlechter?
I Sache Spiegureflex nid! Mini ersti Kamera isch aber ä Ixus 40 vo Canon gsi, womer no hüt hie und da gueti Dienste leistet. Dr Akku isch zwar nüm dr Best, nach zwe 80°C Wäschgäng aber o nid sonderlech erstuunlech

Äs git no niemer, woni das chönnt wiitergä, aber bediene darf me sech gärn!